حكايات شوارع الإسكندرية
كتبت علا عبد المنعم محمد حسن :
الإسكندرية دايما مختلفة … مش بس مختلفة بشخصيتها المميزة ولا ببحرها وجوها ولا حتي بأهلها …
الإسكندرية كمان مختلفة بأسماء أمكانها وشوارعها كل اسم فيها له حكاية كل اسم فيها له قصة وتاريخ بيشهد عليه وبيشهد علي مدينة مش وليدة صدفة لأ دي مدينة حفرت اسمها بحروف من نور في صفحات تاريخ عظيم لحضارة عريقة وفيه وعلشان كدة قررت اننا نتعرف علي بعض حكايات الأسماء في الإسكندرية ونبدأ كدة من أول الخط :
1-أبو قير :
الاسم مقسوم نصين "الأنبا "الأب" كير " وده كان اسم قس وطبيب مسيحي زاهد وكان عايش في المنطقة دي اللي كانت صحراء في الوقت ده ولما أتوفي سنة 312 م بدأت الكلم تتحرف من الأب كير إلي أبو قير
2-المندرة : الخديوي عباس حلمي الثاني لما أشتري الأرض اللي بني عليها قصر المنتزه …بني "مندرة " يعني حجرة عالية عن سطح الأرض علشان يقدر يباشر أعمال البناء في القصر ومن هنا اتسمت بالمندرة
3-لوران : ودي بقي راجعة لخواجة كان اسمه لوران كان صاحب أكبر شركة سجاير في القرن 19 عاش في الإسكندرية وبني قصر في المنطقة اللي اتسمت علي اسمه والقصر دلوقتي هو مدرسة لوران الثانوية
4-زيزينيا : علي اسم الكونت زيزينيا أكبر تاجر قطن اللي استقر في الإسكندرية في القرن 19 واشتري جزء كبير من الاراضي اللي في المنطقة اللي اتسمت ع اسمه وبني فيها قصره ومن هنا اتسمي المكان ع اسمه
5-باكوس : ودي في الأصل كانت "باخوس " ايوة مين باخوس ده ؟ ….باخوس ده كان اله الخمر عند اليونان طيب ليه المنطقة دي بالذات اتسمت علي اسمه علشان في الوقت ده كان فيها مزارع العنب
6-بولكلي / فلمنج / شدس : دول بقي أسماء مؤسسين خط ترم الرمل سنة 1860 واتسمت محطات الترام والمناطق علي اسمهم
7-رشدي : ده "حسين رشدي " وده كان واحد من رؤساء وزارة مصر في القرن 18 و اول رئيس للجامعة المصرية عام 1908
8-سابا باشا: كان أول مدير مصري للبوسطة الخديوية في عهد الخديوي إسماعيل وبعد كدة كان وزير مالية
9-كامب شيزار : الكلمة في الأصل يونانية كامب يعني معسكر وشيزار او Casser تعني القيصر يبقي كلها علي بعض معسكر القيصر..وبالتحديد معسكر يوليس قيصر لان ده كان مكان إقامته لما جه يزور كليوباترا
10-الأزرايطة : فيه كذا قصة ورا الأسم :
الأولي : ان كان فيه ست يونانية اسمها " Mother reita " الام ريتا كانت عايشة في المنطقة دي وكانت بتحب تساعد الناس وتحل مشاكلهم ولما اتوفت سموا المنطقة علي اسمهم وفي رواية بتقول انها كلمة ايطالية تعني الرمل والصحراء
وفي رواية تالتة دي أغلب الظن أنها الأصح إن أيام محمد علي الكوليرا ضربت الإسكندرية فقرر محمد علي انه ينشيء حجر صحي……. الحجر الصحي ده كان موجود في مكان المستشفي الميري دلوقتي وكان بيطلق عليه lazretta "لازريت " واتحرفت لغاية لما وصلت للأزرايطة
11-سوتر: كلمة يونانية معناها المنقذ وده كان لقب بطليموس الأول اللي أطلقته عليه جزيرة رودس بسبب المساعدات اللي قدمها للجزيرة واتسمي الشارع علي أسمه
12-شارع البطالسة : بطالسة او بطالمة هي جمع بطليموس وده نسبة للأسرة البطلمية اللي حكمت الإسكندرية بعد الاسكندر
12-باب عمر باشا : المكان ده كان سوق بردو اسمه سوق النصارى وبيبدأ من محطة مصر لغاية باب سدرة المنطقة دي كلها بقي كانت ابعدية ملك الامير عمر طوسن فالناس جمعت بين باب سدرة وعمر باشا لغاية لم وصلت لباب عمر باشا
13-كرموز : نسبة لقس اسمه كارموس عاش ومات في المنطقة دي وتحور الاسم من كارموس الي كارموز
14-كوم الدكة : في اسطورة بتقول ان الاسكندر كان عنده دكة مصنوعة من الذهب دفنها في المنطقة دي قبل مايسافر علشان يكمل فتوحاته ده كمان قتل المهندس اللي عملها علشان مايفصحش عن مكانها ومن هنا جيه اسمها كوم الدكة لكن الرواية دي ضعيفة جدا في صحتها وأغلب الظن ان المنطقة دي اتسمت كدة بسبب قبائل الدكة اليونانية اللي كانت عايشة في المنطقة دي
15-كوم الشقافة : نسبة لشقفات الفخار اللي كانت بتترمي في المنطقة دي لغاية ماعملت كوم
16-امبروزو : نسبة للعالم لامبروزاوا صاحب كتاب علم الجريمة واللي زار الاسكندرية بالفعل
17-المكس : مشتقة من المكوس او الضرائب اللي كانت بتتجمع من البضائع في الميناء واتحرفت لغاية لما وصلت للمكس
18-وادي القمر: التسمية راجعة للملاحات اللي كان ضوء القمر بينعكس عليها فكانت بتلمع بالون الابيض فاتسمت بوادي القمر
في الاخر انا مااتكلمتش عن كل الاماكن انا اخترت بعض الاماكن وده ان دل علي شئ فهيدل ان المدينة دي مش مدينة عادية…البلد اللي تفضل محتفظة بأسامي راجع تاريخ بعضها لأكتر من 1000 سنة ده يدل انها من أعظم مدن العالم حتي ولو بس في عين أهلها
كتبت علا عبد المنعم محمد حسن :
الإسكندرية دايما مختلفة … مش بس مختلفة بشخصيتها المميزة ولا ببحرها وجوها ولا حتي بأهلها …
الإسكندرية كمان مختلفة بأسماء أمكانها وشوارعها كل اسم فيها له حكاية كل اسم فيها له قصة وتاريخ بيشهد عليه وبيشهد علي مدينة مش وليدة صدفة لأ دي مدينة حفرت اسمها بحروف من نور في صفحات تاريخ عظيم لحضارة عريقة وفيه وعلشان كدة قررت اننا نتعرف علي بعض حكايات الأسماء في الإسكندرية ونبدأ كدة من أول الخط :
1-أبو قير :
الاسم مقسوم نصين "الأنبا "الأب" كير " وده كان اسم قس وطبيب مسيحي زاهد وكان عايش في المنطقة دي اللي كانت صحراء في الوقت ده ولما أتوفي سنة 312 م بدأت الكلم تتحرف من الأب كير إلي أبو قير
2-المندرة : الخديوي عباس حلمي الثاني لما أشتري الأرض اللي بني عليها قصر المنتزه …بني "مندرة " يعني حجرة عالية عن سطح الأرض علشان يقدر يباشر أعمال البناء في القصر ومن هنا اتسمت بالمندرة
3-لوران : ودي بقي راجعة لخواجة كان اسمه لوران كان صاحب أكبر شركة سجاير في القرن 19 عاش في الإسكندرية وبني قصر في المنطقة اللي اتسمت علي اسمه والقصر دلوقتي هو مدرسة لوران الثانوية
4-زيزينيا : علي اسم الكونت زيزينيا أكبر تاجر قطن اللي استقر في الإسكندرية في القرن 19 واشتري جزء كبير من الاراضي اللي في المنطقة اللي اتسمت ع اسمه وبني فيها قصره ومن هنا اتسمي المكان ع اسمه
5-باكوس : ودي في الأصل كانت "باخوس " ايوة مين باخوس ده ؟ ….باخوس ده كان اله الخمر عند اليونان طيب ليه المنطقة دي بالذات اتسمت علي اسمه علشان في الوقت ده كان فيها مزارع العنب
6-بولكلي / فلمنج / شدس : دول بقي أسماء مؤسسين خط ترم الرمل سنة 1860 واتسمت محطات الترام والمناطق علي اسمهم
7-رشدي : ده "حسين رشدي " وده كان واحد من رؤساء وزارة مصر في القرن 18 و اول رئيس للجامعة المصرية عام 1908
8-سابا باشا: كان أول مدير مصري للبوسطة الخديوية في عهد الخديوي إسماعيل وبعد كدة كان وزير مالية
9-كامب شيزار : الكلمة في الأصل يونانية كامب يعني معسكر وشيزار او Casser تعني القيصر يبقي كلها علي بعض معسكر القيصر..وبالتحديد معسكر يوليس قيصر لان ده كان مكان إقامته لما جه يزور كليوباترا
10-الأزرايطة : فيه كذا قصة ورا الأسم :
الأولي : ان كان فيه ست يونانية اسمها " Mother reita " الام ريتا كانت عايشة في المنطقة دي وكانت بتحب تساعد الناس وتحل مشاكلهم ولما اتوفت سموا المنطقة علي اسمهم وفي رواية بتقول انها كلمة ايطالية تعني الرمل والصحراء
وفي رواية تالتة دي أغلب الظن أنها الأصح إن أيام محمد علي الكوليرا ضربت الإسكندرية فقرر محمد علي انه ينشيء حجر صحي……. الحجر الصحي ده كان موجود في مكان المستشفي الميري دلوقتي وكان بيطلق عليه lazretta "لازريت " واتحرفت لغاية لما وصلت للأزرايطة
11-سوتر: كلمة يونانية معناها المنقذ وده كان لقب بطليموس الأول اللي أطلقته عليه جزيرة رودس بسبب المساعدات اللي قدمها للجزيرة واتسمي الشارع علي أسمه
12-شارع البطالسة : بطالسة او بطالمة هي جمع بطليموس وده نسبة للأسرة البطلمية اللي حكمت الإسكندرية بعد الاسكندر
12-باب عمر باشا : المكان ده كان سوق بردو اسمه سوق النصارى وبيبدأ من محطة مصر لغاية باب سدرة المنطقة دي كلها بقي كانت ابعدية ملك الامير عمر طوسن فالناس جمعت بين باب سدرة وعمر باشا لغاية لم وصلت لباب عمر باشا
13-كرموز : نسبة لقس اسمه كارموس عاش ومات في المنطقة دي وتحور الاسم من كارموس الي كارموز
14-كوم الدكة : في اسطورة بتقول ان الاسكندر كان عنده دكة مصنوعة من الذهب دفنها في المنطقة دي قبل مايسافر علشان يكمل فتوحاته ده كمان قتل المهندس اللي عملها علشان مايفصحش عن مكانها ومن هنا جيه اسمها كوم الدكة لكن الرواية دي ضعيفة جدا في صحتها وأغلب الظن ان المنطقة دي اتسمت كدة بسبب قبائل الدكة اليونانية اللي كانت عايشة في المنطقة دي
15-كوم الشقافة : نسبة لشقفات الفخار اللي كانت بتترمي في المنطقة دي لغاية ماعملت كوم
16-امبروزو : نسبة للعالم لامبروزاوا صاحب كتاب علم الجريمة واللي زار الاسكندرية بالفعل
17-المكس : مشتقة من المكوس او الضرائب اللي كانت بتتجمع من البضائع في الميناء واتحرفت لغاية لما وصلت للمكس
18-وادي القمر: التسمية راجعة للملاحات اللي كان ضوء القمر بينعكس عليها فكانت بتلمع بالون الابيض فاتسمت بوادي القمر
في الاخر انا مااتكلمتش عن كل الاماكن انا اخترت بعض الاماكن وده ان دل علي شئ فهيدل ان المدينة دي مش مدينة عادية…البلد اللي تفضل محتفظة بأسامي راجع تاريخ بعضها لأكتر من 1000 سنة ده يدل انها من أعظم مدن العالم حتي ولو بس في عين أهلها
تعليقات
إرسال تعليق