أهم مجرى مائى فى إسكندرية من شديا للأشرفية وأخيراً المحمودية

كتبت - علا عبد المنعم محمد حسن :

"ترعة المحمودية "في كلام كتير حاصل الفترة الاخيرة عن ترعة المحمودية  وخصوصا أخر كام شهر عنها…
… طيب هي ايه ترعة المحمودية دي وايه حكايتها ؟
ترعة المحموية هي أقدم مجري مائي صناعي للمياه العذبة في الاسكندرية ….. مش بس  أهميتها في كونها اقدم ترعة شقت في الاسكندرية ….. لأ دي بتعتبر المجري المائي الاساسي اللي بتشرب منه غرب الاسكندرية كلها تقريبا

الترعة في الأصل بترجع للاسكندر الأكبر  …..مع تأٍ سيس الاسكندرية  شاف الاسكندر ان المياه اللي كانت بتغذي قرية راكواتيس مش كفاية علشان تمد مدينة كاملة زي الاسكندرية خصوصا انهم كان بيعتمدوا علي مياه الابار والأمطار ….علشان كدة اتجه نظره لاقرب فرع للنيل وهو الفرع الكانوبي "فرع رشيد " وعند مدينة شديا حفرت اول ترعة مياه عذبة من شديا للاسكندرية  واتسمت بترعت "شديا" طبعا ماكنتش بالطول اللي عليه الترعة دلوقتي

فضلت الترعة موجودة علي مر السنين بتغذي الاسكندرية بالمياه  ومرت بحوالي 4 مراحل للتطوير والتطهير وكان أشهرهم في عهد الاشرف برسباي  اللي طهرها  وحفر جزء أكبر واتسمت وقتها " بخليج الاشرفية "  … لكن مع مرور الوقت  طمرت الترعة  وغطها الرمل

الي ان جيه  محمد علي وتحديدا في عام 1807  قرر محمد علي اعادة حفر الترعة  علي ان يكون اولها عند قرية "العطف"

وبالفعل أمر محمد علي المهندس الفرنسي "كوست "  علشان يحفر الترعة …. ,وبالفعل جمع كوست أكتر من 350 الف رجل علشان يحفروا الترعة " سخرة "  من كل مركز وقرية بتمر فيهم الترعة  …… وبالفعل بدأ الحفر واستمر لعام 1819  لغاية لما حصل طاعون صاب الناس اللي بتحفر ومات منهم اكتر من 12 الف رجل واللي كان بيموت كان بيدفن علي جوانب الترعة…..

واستمر الحفر لغاية 1821 واتفتحت الترعة  علشان تتحول لممر ملاحي تجاري وميناء رئيسي لغرب الدلتا …..
 واتسمت الترعة بالمحمودية نسبة للسلطان محمود الثاني السلطان العثماني لان مصر في الوقت كانت لسه تابعة للدولة العثمانية

ومش بس كدة بسبب شدة جمال الترعة وضفتيها ومياهها الصافية …..الامراء والاثرياء وعلية القوم بنوا قصورهم  علي ضفاف الترعة ومنهم الامير عمر طوسن اللي  بني قصره علي المحمودية وكتب كتاب عنها


ترعة المحمودية بتبدأ من فرع رشيد وبتمر بدمنهور و ابو حمص كفر الدوار وبتصب في الاسكندرية وتحديدا في البحر المتوسط عند مطقة الماكس ….. المحمودية بتغذي اكتر من 350 الف فدان بمياه الري وخصوصا في منطقة خورشيد والزوايدة  بالاضافى لمحطات مياه الشرب اللي بتنتج 1,5 مليون كم مكعب من مياه الشرب

يبقي كدة احنا عرفنا  ان ترعة المحمودية تعتبر واحدة من اهم مصادر مياه الشرب للاسكندرية ان ماكنتش اهمها علي الاطلاق …

الترعة حاليا في حالة  يرثي لها من القمامة والنفايات ومخلفات المصانع اللي بتترمي فيها …. ومن يجي كام سنة  قرورا انهم هيطهروا الترعة وهيعملوا كورنيش علشان يكون منتزه يخدم اهالي المنطقة اللي بتطل عليها المحمودية وبالفعل بدأ المشروع لكنه ماكملش وبدل مايشفوا حل علشان يحلوا أزمة الترعة … لا ده اصدر قرار رئاسي في يوليو الماضي  بأنه يتم ردم الممر المائي للترعة بالكامل ويتحول لمحور مرور "طريق " طوله حوالي 21 كم  علشان يخف الضغط علي طريق الكورنيش !!!!!

طيب السؤال هنا لو الترعة اتردمت احنا هنشرب منين والمناطق الزراعية دي هتروي زرعها منيين ؟! ومن وقت الاعلان عن المشروع لغاية دلوقتي مفيش حد بيجاوب علينا  المهم انه اتقال انه في مواسير هتمشي تحت الطريق ده  هتجري فيها المياه …. ولو اني اشك ان ده هيحصل اصلا وبالفعل الترعة دلوقتي بدأت تتردم….

طيب احنا لو صرفنا النظر عن اهم ممر تاريخي في المدينة  وانه اتحفر بالسخرة وبدم ولاد كل البلاد اللي بتمر فيها الترعة…..هنعرف نصرف  النظر عن ان كل دول العالم بتحاول انها تحافظ علي مصادر المياه العذبة  لأ دي كمان  بتحاول  تفكر وتطور هي ازاي ممكن تخلق موارد جديدة للمياه العذبة….. واحنا عندنا المياه ومصدرها وبنقرر بجرة قلم وبقرارمفاجئ اننا نردم مصدر من مصادر المياه من غير حتي مايكون لينا الحق اننا نسئل ليه ؟!.... ,
وفي الاخر من سد النهضة لردم المحمودية ياقلبي لاتحزن…..