حكاية فيكتور عمانويل أخر ملوك إيطاليا ونفيه فى الأسكندرية

الملك فيكتور عمانويل 

كتبت -علا عبدالمنعم محمد حسن :

كلنا بتقول ميدان فيكتور عمانويل …….. من أيام الثورة وميدان فيكتور عمانويل بقي
من اشهر ميادين الإسكندرية …… لكن حد فينا يعرف مين هو فيكتور عمانويل ؟

فيكتور عمانويل …..  أو فيكتور أيمانويل الثالث …….   الراجل ده أخر ملوك إيطاليا مش بس كدة ده حكم إيطاليا 43 سنة من سنة 1900 ل 1943 ده كمان حضر الحرب العالمية الاولي والتانية..

ميدان عمانويل قديما

و في عهده غزت إيطاليا بقيادة موسوليني ألبانيا واثيوبيا وانضموا لحكمه ….. لكن للأسف النظام الفاشي بقيادة موسوليني بعد الانتصارات اللي حققها قدر انه يوطد سلطته وايمانويل ماقدرش انه يواجه سلطة موسوليني واصبح حكمه صوري وعرشه مهدد وفعلا ايمانويل ماقدرش انه يصمد كتير ..

الميدان حديثا

 واتعمل استفتاء شعبي وقتها وانتهي بنسبة 54 % لصالح ان يتم تحويل إيطاليا لجمهورية وبالفعل قد كان وتحولت إيطاليا من ملكيه الى جمهورية.

لكن السؤال …. احنا ايه علاقتنا بكل ده وليه ميدان من عندنا يتسمى باسمه !!؟؟
ايمانويل بعد لما أتعزل من حكم إيطاليا اتنفي للإسكندرية واستقبله الملك فاروق استقبال حافل في قصر رأس التين.

فيلا امبرون

 وعاش ايمانويل في فيلا "امبرون " في محرم بك ودي واحدة من اشهر فيلات الإسكندرية  وفضل في الإسكندرية لغاية لما مات سنة 1947 ده كمان ادفن  خلف مذبح  كاتدرائية  سانت كاترين في المنشية ..وتخليدا لذكراه اتسمي الميدان الشهير في سموحة باسمه.

ضريح عمانويل