محكمة الحقانية مايين الماضى والحاضر
كتبت - علا عبد المنعم محمد حسن :
ماحدش فينا ماعداش عليها او حتي وقف علي سلالمها او يمكن داخلها ….
قصر واقف في وسط المدينة ….شاهد علي زمان وتاريخ اتغير وبيتغير …..
عليه يافطة متكوب عليها " العدل أساس الملك " بس ياتري من العدل ان التاريخ يبقي كوم تراب وماحناش عارفين حتي نشيل التراب ده ؟
سراي الحقانية او مبني الحقانية او الحقانية زي مابيقول عليها الأسكندرانية ….
عمرها أكتر من 120 سنة ……
بداية المبني كانت مع تخطيط محمد علي لميدان المنشية سنة 1834 بس ماكنش مبني للمحاكم كان مقر للأرناطو "مجلس البلدية " اللي كان مسئول عن تخيطيط المدينة
لكن سنة 1882ومع ضرب الأنجليز للأسكندرية المبني اتهدم تماما….
لكن اتعاد بناء المبني وبالفعل صممه المهندس الأيطالي " الفونسو مانيتكو " واللي صممه علي الطراز الأيطالي الفلورنسي اللي يمتزج بين الطابع الشرقي والغربي
افتتحت عام 1885 وبدأ عملها كأول محاكم مختلطة في مصر عام 1886واتعرفت بأسم سراي العدل وأتحول اسمها لسراي الحقانية
المبني بيتكون من 4 طوابق علي مساحة 3 ألاف متر مربع وللمبني قبة ضخمة وواجهة المبني عليها لافتة مكتوب عليها "العدل اساس الملك " ومن أشهر القضايا اللي شهدت عليها الحقانية كانت حادثة دانشوي وريا وسكينة وسفاح الأٍكندرية وغيرها من القضايا الشهيرة في االقضاء المصري
عام 2001 مستشار وزير العدل واللي مسئول عن ملف محاكم الإسكندرية المستشار "عبد السلام تمراز " قرر انه يعمل أرشيف لمحاكم الإسكندرية وهنا كانت المفاجأة…. اللي اكتشفوها وكانت مهملة أكتر من 60 سنة أكتشفوا ان مخازن الحقانية بضم :
1- 10 مليون قضية و25 ألف كتاب من المجموعات القانونية النادرة منها مجموعة لوزان
2-وأكتر من 1200 مخظوظة بتحكي تاريخ القضاء المصري
3-و 1200 فرمان راجعين لعصر محمد علي وصادرة من الأستانة
4- 100 ختم من اختام المحاكم المختلطة
5- وأطلس بيضم خرائط كاملة للوجهين البحري والقبلي
6- واختام الملك فؤاد والملك فاروق
7-تمثال نصفي للخديو عباس حلمي الثاني
8-لوحات مذهبة راجعة لعهد الخديوي إسماعيل
كل ده مدفون في المخازن وهنا بدأت المباحثات ان تتحول الحقاني لمتحف قضائي مش بس بسبب قيمة المبني التاريخية لأ كمان بسبب الكنوز اللي اتوجدت في المخازن
وزارة الاثار ووزارة العدل قرورا انهم يرمموا المبني واسندوا 150 مليون جنيه لتحويل المبني لمتحف ومن سنة 2001 الي 2010 علشان بس القرار يتاخد
المهم ان في 2010 بدأوا بالفعل انهم يرمموا المبني ويارتهم مارمموه …ليه ؟
المهندسين الايطالين اللي بنوا المحكمة كانوا حطين طبقة من الرصاص سمكها نصف متر تحسبا لخطر المياه الجوفية علشان ماـاثرش علي أساسات المبني لكن لما بدأت عملية الترميم شالو طبقة الرصاص دي علشان يحطوا واحدة تانية لكن للاسف أعمال الترميم ماكملتش والمياه الجوفية فعلا وصلت للأساسات والمبني مهدد بالانهيار ..
المتحف كان المفروض افتتاحه 2013 … لكن لغاية دلوقتي المتحف ماتفتحش واللي هيمشي من قدام الحقانية هيلاقي السقلات موجودة فعلا لغاية دلوقتي ….. ولما سئلنا هو ليه أعمال الترميم ماكملتش الرد كان ان الميزانية لاتسمح ؟…يعني ال 140 مليون جنيه خلصوا !!!
يعني في الاخر احنا لا طولنا بلح الشام ولا عنب اليمن ……لا المبني فضل علي حاله ولا اترمم وده بقي العادي في بلدنا
تاني وتالت وعاشر هفضل أقول ان الدولة اللي ماتحفظش علي تاريخها وتراثها مكانها مزابل التاريخ
تعليقات
إرسال تعليق