كلنا بنعدي عليه …. وتقريبا كل يوم …الجيل الصغير ومواليد أواخر الثمانينات والتسعينات مايعرفوش قصته لكن لو سألنا حد
قديم شوية هيحكيلنا حكاية المكان وهيقولنا انه أقدم وأكبر كازينو وملهى ليلي في الأسكندرية .....
كازينو السرايا ستانلي …….اتبنى في ثلاثينات القرن الماضي بأمر من البلدية "المحافظة دلوقتي " علشان يكون كازينو للسهرات
أشتهر الكازينو بأنه مقر لسهرات الملك فاروق …وكمان لاجتماعات دول الحلفاء ايام الحرب العالمية الثانية ........
المكان كان اسمه "ستانلي كازينو كوت دواز السرايا "المكان كمان كان مقر لعلية القوم والأثرياء والسياح من كل الجنسيات وكان مشهور جدا ….كان فيه أول ظهور لهياتم وغنى فيه شفيق جلال واسماعيل يس وعبد العزيز محمود ……وده المكان اللي اتصور فيه مشاهد الكباريه في فيلم ابي فوق الشجرة الكازينو اتحول بعد ثورة 1952 من السرايا الى كازينو السفينة..................
وفضل علي حاله كازينو خاضع للمحافظة ….وتم تأجيره بعد كده لشركة سان جيوفاني واتحول لمطعم وفضل كدة لغاية سنة 1998 لما المحافظة قررت انها ترفع الإيجار فشركة سان جيوفاني ماجددتش العقد
فضل الكازينو يتعرض للإيجار من خلال المزاد العلني لكن للأسف كل المزادات رست على مفيش بسبب ارتفاع ثمن الإيجار
المبني علي مساحة 12 ألف متر وله جراج خاص بخلاف ان المبني مدرج في لجنة حفظ التراث وكمان موقعه المتميز جدا والطراز المعماري الفريد
فضل الكازينو من سنة 1998 لغاية دلوقتي وهو مهجور تماما ………………لغاية السنة اللي فاتت القوات البحرية قررت انها تبيض المبني وترممه من برة …..واتعمل برده مزاد علني …….ومحدش فاز بردو بالمزاد !!
السؤال بقي هنا ليه …….مكان زي ده بالموقع المتميز ده …..ومش عارفين نستثمره ليه ….ولا احنا مستنين لما يبقي كوم تراب ونبيع الأرض لمستثمر عربي !!!! حقيقي فعلا انا معنديش إجابة !!!!!!!!!
ليست هناك تعليقات:
إرسال تعليق